काठमाडाैं । नेपाली सेनाको सैनिक अदालतले सहायक रथीसहित तीन जनालाई भ्रष्टाचार गरेको ठहर गरेको छ।

सेनाको समरी जनरल सैनिक अदालतले सेनाका सहायक रथी प्रयोग जबरा, महासेनानी नविन सिल्वाल र प्रमुख सुवेदार मिठुराम विश्वकर्मालाई दोषी ठहर गर्दै बर्खास्तको फैसला गरेको जंगीअड्डाले जनाएकाे छ।

उनीहरू पाँचखालस्थित वीरेन्द्र शान्ति कार्य तालिम केन्द्रमा कार्यरत रहँदा ‘सम्पत्ति र अनुशासन तथा आचरण सम्बन्धी कसुर समेत गरेको’ सैनिक अदालतको अभियोग छ।

यसैगरी, सैनिक अदालतले सहसेनानी लक्ष्मीकान्त खनाल, सुवेदार भोजबहादुर विष्ट र जमदार विनोद बस्नेतलाई एक तह दर्जा घटुवा गरिदिएको छ।

प्राविधिक सहसेनानी फिरोज महर्जन र जमदार भद्रबहादुर शाहीलाई नसिहत र महासेनानी राजेन्द्र मणी गिरी र लेखा सुवेदार कर्मचारी नवराज पाण्डे (अवकाश प्राप्त) ले सफाइ पाएका छन्। lokaantar