काठमाडौं । स्वास्थ्य तथा जनसंख्या मन्त्रालयले पछिल्लो २४ घण्टामा थप ४१८ जनामा कोरोना भाइरस (कोभिड १९) संक्रमण पुष्टि भएको जनाएको छ । मन्त्रायलका प्रवक्ता डा. जागेश्वर गौतमले आज (सोमबार) को प्रेस ब्रिफिङका क्रममा उपत्यकामा ५१ सहित देशभर थप ४१८ जनामा कोरोना संक्रमण पुष्टि भएको जानकारी दिए ।

उनका अनुसार काठमाडौंमा ४३, भक्तपुरमा ५ र ललितपुरमा ३ जनामा संक्रमण पुष्टि भएको हो । अन्य संक्रमित विभिन्न जिल्लाका छन् । याेसँगै देशभर कुल संक्रमितकाे संख्या २० हजार ७५० पुगेकाे छ ।

५ हजार ७३२ सक्रिय संक्रमित रहेका छन् । हालसम्म ३ लाख ९८ हजार ९०७ जनाको पीसीआर परीक्षण भएको छ ।