विराटनगर । मोरङका ग्रामथानमा पोखरीमा डुबेर आमासहित दुई छोरीको मृत्यू भएको छ ।

मृत्यू हुनेमा ग्रामथान ४ की ३५ बर्षीया सीता अधिकारी र उनका १३ वर्षीया पबित्रा र ९ वर्षीया कृतिका छोरीहरु रहेको इलाका प्रहरी कार्यालय वेलबारीका प्रहरी निरीक्षक ऋषिराज ढकालले जानकारी दिए ।

आईतबार साँझ पोखरीमा माछालाई चारो हाल्न गएका उनीहरु घर नफर्कीएपछि खोजी गर्दा पोखरी भित्र शव फेला परेको ढकालको भनाई छ ।

मृतकको शव पोष्टमार्टमका लागि कोशी अस्पताल विराटनगर ल्याईएको छ ।

उनिहरुको के कारणले मृत्यू भयो भन्ने विषयमा अनुसंधान भईरहेको मोरङ प्रहरी प्रमुख एसपी सन्तोष खड्काले जानकारी दिए ।