ताप्लेजुङ । ताप्लेजुङमा धारिलो हतियार प्रहारबाट तीन जना घाइते भएका छन् ।

सिरिजङ्घा गाउँपालिका ८ याम्फुदिन तारतुम बस्ने २२ बर्षिय एक युवकले छिरिङडाँडा बस्ने आफ्नै बडीआमा र उनका २ छोरासहित ३ जनालाई धारिलो हतियार प्रहार गरी घाइते बनाएको ताप्लेजुङ प्रहरीले जनाएको छ ।

आफ्नै बडाबाबुको घरमा गइ बेलुकीको खाना समेत खाएका लाक्पा भोटेले ६० बर्षिय बडी आमा फुटी भोटे र भाइ छिरिङ भोटेलाई बाम्फोकले टाउको तथा गर्धन तथा दाजु ३६ बर्षिया पासाङ् भोटेलाई टाउकोमा प्रहार गरी घाइते बनाएको जिल्ला प्रहरी प्रमुख (डिएसपी) महेन्द्रकुमार श्रेष्ठले जानकारी दिए ।

घाइते तीनैजनाको याम्फुदिन स्वास्थ्य चौकीका उपचार भई रहेको छ भने हतियार प्रहार गर्ने लाक्पाभोटे फरार रहेकाले खोजीकार्य जारी छ ।