११ पौष २०८१, शुक्रबार
Lite Nepal
ताप्लेजुङ । प्रधानमन्त्री केपी शर्मा ओली ताप्लेजुङको हिमाली क्षेत्रको निरीक्षणका लागी निस्कने भएका छन् ।
मंसिर ७ गते ताप्लेजुङको पर्यटकिय क्षेत्र घुन्सामा आयोजना हुने एक कार्यक्रममा सहभागी भए सँगै प्रधानमन्त्री ओलीले जिल्लाको हिमाली क्षेत्रका बासिन्दाको जनजीवन बुझ्ने र सीमावर्ती क्षेत्रको निरीक्षण गर्ने छन् ।
प्रमुख जिल्ला अधिकारी झरेन्द्रप्रसाद चापागाँइका अनुसार प्रधानमन्त्री ओली ताप्लेजुङ आउने विषयमा मोखिक जानकारी आएकाले सुरक्षा व्यवस्था मिलाउन सुरु गरिएको छ ।
हेलिकोप्टरबाट घुन्सा पुग्ने प्रधानमन्त्री ओलिले घुन्सा फाउण्डेसनद्धारा घुन्सामा स्थापित सामुदायिक स्वास्थ्य इकाईको उद्घाटन गर्ने पहिलो कार्यक्रम रहेको बताइएको छ ।
प्रधानमन्त्री ओली यसअघि मंसिर ५ गते आउने गरी तय भइ अन्तिम समयमा स्थगित भएको थियो ।
प्रधानमन्त्री ओली आउने कार्यक्रम तय भएपछि सुरक्षा प्रमुखसहितको टोली बिहीबार(आज) नै घुन्सातर्फको यात्रामा जान लागेको प्रजिअ चापागाईँले जानकारी दिए ।
प्रधानमन्त्री ओली घुन्सापछि इलामको सन्दकपुरसम्म जाने बताइएको छ ।
१.
२.
३.
