विराटनगर । मोरङको सुन्दरहरैचामा एक पुरुषको करेन्ट लागेर मृत्यू भएको छ । सुन्दरहरैचा नगरपालिका निवासी ३५ वर्षिय ईलिहास मंसुरको करेन्ट लागेर मृत्यु भएको हो ।

बुधबार दिउँसो बेलबारीमा रहेको चिनारी स्कुलमा ग्रिलको गेट बनाउने क्रममा अचानक करेन्ट लागेर घाईते भएका मंसुरलाई उपचारको लागि विराटनगर स्थित विराट नर्सिङहोम ल्याईएको थियो ।

उनको उपचाकै क्रममा मृत्यू भएको इलाका प्रहरी कार्यालय बेलबारीले जनाएको छ । घटनाका विषयमा अनुसन्धान भइरहेको प्रहरीको भनाई छ ।