ताप्लेजुङ । ताप्लेजुङमा बिहीबार ५९ जनाले कोरोना विरुद्धको खोप लगाएका छन् । पहिलो खोप जिल्ला अस्पतालकी नर्सिङ निरीक्षक विजया राईले लगाइन् । अन्तराष्ट्रिय नर्सिङ दिवस परेकाले नर्सलाई नै पहिलो खोप लगाइएको स्वास्थ्य कार्यालय ताप्लेजुङले जनाएको छ ।

पहिलो दिन २२ महिला र ३७ पुरुषले खोप लगाएको स्वास्थ्य कार्यालय निमित्त प्रमुख राजकुमार पोख्रेलले बताए । पोख्रेलका अनुसार स्वास्थ्यकर्मी, महिला स्वास्थ्य स्वयंसेविका र सफाइ कर्मचारीलाई खोप लगाइने छ । पहिलो चरणको खोप अभियान माघ २४ गतेसम्म चल्नेछ । जसका लागि ३ हजार १ सय २० डोज खोप आएको खोप केन्द्र जिल्ला अस्पताल तोकिएको छ ।

छनौटमा परेका सबैले खोप लगाउन अस्पताल जानुपर्ने पोख्रेलले बताए । प्राइभेट अस्पताल तथा क्लिनिकका स्वास्थ्यकर्मीलाई पनि खोप दिइनेछ । पोख्रेलका अनुसार जिल्लामा ८ सय ५५ जना महिला स्वास्थ्य स्वयंसेविका र ४ सय ४५ जना स्वास्थ्यकर्मी छन् ।

बाँकी सफाई कर्मचारी, एम्बुलेन्सका चालक÷सहचालक गरेर १ हजार ५ सय जनालाई पहिलो चरणको खोप लगाउने योजना कार्यालयको छ ।