बुटवल । प्रधानमन्त्री केपी शर्मा ओलीले सरकारले नक्सा प्रकाशित गरेपछि पार्टी भित्रैबाट आफूविरुद्ध चलखेल भएको आरोप लगाएका छन् । बुटवलमा आयोजित नेपाल कम्युनिस्ट पार्टी (नेकपा)को आफू पक्षीय सभामा बोल्दै प्रधानमन्त्रीले यस्तो आरोप लगाएका हुन् ।

‘नेपालको भू–भाग समेटेर नक्सा प्रकाशित गरेपछि, नक्सालाई बहुमतले संविधानमा अनुसुचीकरण गरेपछि उहाँहरु आत्तिनुभयो,’ उनले भने, ’अनि प्रधानमन्त्री हट्नुप¥यो । अध्यक्ष छाड्नुप¥यो । अन्तबाट होइन अरुले रोकेको होइन आफ्नै पार्टीभित्रबाट भयो ।’

ओलीले नेकपाभित्रबाट प्रचण्ड–माधव नेपाललगायतका नेता हटेपछि पार्टी गतिशील भएको बताए । ’तीन वर्ष संवैधानिक निकायमा नियुक्त हुन सकेको थिएन । उहाँहरु हटेपछि नियुक्त भयो,’ उनले भने, ’थाहा पाउनुभयो नि उहाँहरु हटेपछि काम भयो । पार्टी गतिहिन भएको थियो निष्प्रभावी भएको थियो। उहाँहरु हट्नुभयो। पार्टी गतिशील भएको छ ।’

उनले हिजो पार्टीभित्र बसेर गाली गर्नेहरु अहिले बाहिर गएर गाली गरि रहेकोसमेत बताए । ’हिजो पार्टीभित्र बसेर गाली गरेका थिए । अहिले त्यही कुरा पार्टी बाहिर बोलिरहेका छन् । त्यति मात्र फरक हो,’ उनले भने, ’हिजो सँगै हुँदा पनि पत्रिकामा गएर, टिभिमा गएर रेडियोमा बोलेर गरिरहेका थिए ।’