काठमाडौँ । सरकारले वैशाख २७ गते प्रधानमन्त्री केपी शर्मा ओलीले विश्वासको मत लिएपछि नियमित अधिवेशन बोलाउन सिफारिस गरेको छ । शनिबार बालुवाटारमा बसेको मन्त्रिपरिषद बैठकले अधिवेशन बोलाउन सिफारिस गर्ने निर्णय गरेको हो ।

आगामी जेठ १५ गते बजेट ल्याउनुपर्ने संवैधानिक बाध्यता भएकाले बैठक सिफारिस गरिएको हो । बजेट ल्याउनका लागि बर्षे अधिवेशन बोलाउन मन्त्रिपरिषद्ले सिफारिस गरेको हो ।

यस्तै कोरोना नियन्त्रणका लागि राज्यका सबै स्रोतसाधन परिचालन गर्ने निर्णय पनि भएको छ । बैठकले कोभिड विशेष अस्पताल बनाउने कार्यविधि पनि पारित गरेको छ ।

मन्त्रिपरिषद्को यो निर्णयसँगै वीर अस्पतालको नयाँ भवनलाई ५ सय शय्याको कोरोना विशेष अस्पतालमा रुपान्तरण गरिनेछ ।

सरकारले कोरोना रोकथाम तथा नियन्त्रणका लागि राज्यका सबै स्रोत साधन परिचालन गर्ने निर्णय गरेको स्वास्थ्य मन्त्री हृदयश त्रिपाठीले दिएका छन् ।