२१ चैत्र २०८१, शुक्रबार
Lite Nepal
काठमाडौं । युरोकप अन्तर्गत आज समूह बी र सीका चार खेलहरु हुँदैछन् ।
आज सोमबार दुवै समूहका अन्तिम चरणका खेलअन्तर्गत समान दुई÷दुई खेल हुनेछन् ।
नेपाली समय अनुसार राति ९ः४५ बजे समूह ’सी’ मा रहेको नेदरल्यान्ड्सले नर्थ म्यासेडोनियासँग खेल्दै छ भने युक्रेनले अष्ट्रियाको सामना गर्दै छ ।
अघिल्ला दुई खेलमा लगातार जित निकालेको नेदरल्यान्ड्स यस समूहबाट अघिल्लो चरणमा प्रवेश गरिसकेको छ ।
६ अंकका साथ समूहको शीर्षमा रहेको नेदरल्यान्ड्स आजको खेल जित्दै शतप्रतिशत नतिजा निकाले पक्षमा छ ।
अंक विहीन रहदै पुछारमा रहेको म्यासेडोनिया अघिल्ला दुबै खेलमा पराजित भएको थियो ।
युक्रेन र अष्ट्रियाबीचको खेलमा विजयी हुने टिमअघिल्लो चरणमा पुग्ने भएकाले यो खेल दुवैका लागि महत्त्वपूर्ण छ दुबै टिम जित निकाल्दै नकआउट चरणमा पुग्न चाहन्छ ।
युक्रेन २ खेलमा ३ अंक जोडेर दोस्रो स्थानमा रहेको छ । अष्ट्रिया २ खेलमा ३ अंक जोडेर तेस्रो स्थानमा रहेको छ ।
आजै सामूह ’बी’को पनि अन्तिम खेलहरु हुँदै छ ।
नेपाली समय अनुसार राति १२ः५४ मा सुरु हुने खेलमा बेल्जियमले फिनल्याण्डसँग खेल्ने भने रुसले डेनमार्कसँग प्रतिस्पर्धा गर्नेछ ।
बेल्जियम यसअघि नै नकआउट चरणमा पुगिसकेको छ ।
अघिल्ला दुई खेल जितेको बेल्जियमका ६ अंक छ ।
आजको खेलमा फिनल्याण्डलाई हराएर बेल्जियम समूह विजेता बन्न चाहन्छ भने फिनल्याण्ड पनि बेल्जियमलाई हराएर अन्तिम १६ मा पुग्न चाहन्छ ।
फिनल्याण्ड २ खेलमा ३ अंक जोडेर समूहको तेस्रो स्थानमा रहेको छ ।
रुस २ खेलमा ३ अंक जोडेर दोस्रो स्थानमा रहेको छ ।
रुस आज डेनमार्कलाई हराएर नकआउट चरणमा पुग्न चाहन्छ ।
अघिल्ला दुई खेल गुमाएको डेनमार्कको पनि नकआउट चरणमा पुग्ने सम्भावना जीवित छ ।
तर, यसका लागि डेनमार्कका लागि जितसँगै फिनल्याण्ड र बेल्जियमबीचको खेलको नतिजाले प्रभाव पार्नेछ।
१.
२.
३.
