२१ चैत्र २०८१, शुक्रबार
Lite Nepal
विराटनगर । युरो कपमा स्पेनले बुधबार घरेलु मैदानमा स्लोभाकियाको सामना गर्दैछ ।
स्लोभाकियाविरुद्ध मैदान उत्रिँदा समूह ‘ई’ को अन्तिम खेलमा स्पेन तित्नै पर्ने दवावमा छ ।
हारले उसको यात्रा समूह चरणबाटै अन्त्य हुनेछ भने बराबरीले अन्य टोलीमा निर्भर रहनुपर्ने हुन्छ ।
जोर्डी अल्बाको कप्तानीमा मैदान उत्रने स्पेन २ खेलबाट २ अंक जोड्दै समूहको तेस्रो स्थानमा छ ।
जित वा बराबरीले पनि स्लोभाकिया नकआउट चरणमा प्रवेश गर्नेछ । हारले भने अन्य टोलीको नतिजामा भर पर्नुपर्ने हुन्छ ।
मारेक ह्यामसिकको कप्तानीमा मैदान उत्रने स्लोभाकिया २ खेलबाट ३ अंकका साथ दोस्रो स्थानमा छ ।
६ वर्षपछि एक अर्काको सामना गर्न लागेका स्पेन र स्लोभाकियाले हालसम्म ६ खेलमा एक अर्काविरुद्ध प्रतिस्पर्धा गरेका छन् ।
स्पेनले ४ र स्लोभाकियाले १ खेल आफ्नो पक्षमा पार्दा १ खेल बराबरीमा सकिएको छ ।
उनीहरुले पहिलोपटक सन् १९९६ मा एक अर्काको सामना गरेका थिए ।
विश्वकप अन्तर्गत भएको उक्त भेटमा स्पेनले ४–१ को जित दर्ता गरेको थियो ।
युरो कप छनोट अन्तर्गत सन् २०१५ मा भएको पछिल्लो भेटमा स्पेन २–० ले विजयी भएको थियो ।
इतिहासमा बलियो देखिएपनि पछिल्ला खेलमा लय गुमाएको स्पेनका लागि स्लोभाकिया युरो कप यात्रामा बाधक बन्न सक्छ । खेल नेपाली समय अनुसार राति पौने १० बजे हुनेछ ।
समूह ‘ई’ अन्र्तगत बुधबारै हुने खेलमा स्विडेनले पोल्यान्डको समाना गर्नेछ ।
खेल रुसको सेन्ट पिटर्सवर्गमा नेपाली समयअनुसार राति पौने १० बजे हुनेछ ।
१.
२.
३.
