काठमाडौं । मौसम पूर्वानुमान महाशाखाका अनुसार हाल देशमा पश्चिमी वायुको सामान्य प्रभाव रहेको छ । यति बेला कोशी प्रदेशको पहाडी भूभागमा आंशिक बदली तथा बाँकी भूभागमा मौसम मुख्यतया सफा रहेको छ । तराईका थोरै स्थानहरूमा हुस्सु/कुहिरो लागेको छ ।

आज दिउँसो कोशी प्रदेशका हिमाली तथा पहाडी क्षेत्रमा आंशिक बदली रहने सम्भावना छ भने आज राति कर्णाली प्रदेशको हिमाली क्षेत्रमा आंशिक बदलीको सम्भावना रहेको महाशाखाले जनाएको छ । देशका अन्य क्षेत्रमा आज मौसम मुख्यतया सफा रहने छ ।