काठमाडौं। जल तथा मौसम विज्ञान विभाग अन्तर्गतको बाढी पूर्वानुमान महाशाखाले गएराति केही ठाउँमा भारी वर्षा भएका कारण बाढी आउनेतर्फ सचेत गराउँदै सर्वधासाधारणलाई सावधान रहन अनुरोध गरेको छ।

महाशाखाका अनुसार कैलाली, कञ्चनपुर जिल्ला र आसपासका क्षेत्रमा पछिल्लो ३ घण्टामा भारी वर्षा भएको छ।

वर्षाका कारण चौधर खोला, सुहेलीखोला सहजपुर, मोहाना खोला, खुटिया खोला र सानाखोलामा बाढी आउन सक्ने, होचा स्थानमा डुबान हुनसक्ने भएकोले बिहान १० बजेसम्म सतर्क रहन अनुरोध गरिएको छ।