विराटनगर । विराटनगर विमानस्थलको विकास, विस्तार र स्तरोन्नतिका लागि आज नेपाल सरकार र प्रदेश १ सरकारबीच समझदारी पत्रमा हस्ताक्षर हुने भएको छ ।

हस्ताक्षर कार्यक्रममा सहभागी हुन संस्कृति पर्यटन तथा नागरिक उड्डयन मन्त्री योगेश भट्टराईसहित नागरिक उड्डयन प्राधिकरणका उच्च अधिकारीहरु अहिले विहान विराटनगर आउने कार्यक्रम तय भएको छ ।

नेपालका विभिन्न स्थानमा रहेका विमानस्थलको विकास, विस्तार र स्तरोन्नतिका लागि नेपाल सरकारले पछिल्लो समय प्रदेश सरकार सँग धमाधम समझदारी गरिरहेको छ ।

यस अघि गत विहीबार सुर्खेत विमानस्थलको विकास, विस्तार र स्तरोन्नतिका लागि पहिलोपटक समझदारी पत्रमा हस्ताक्षर भएको थियो । विराटनगरमा हुन लागेको यो समझदारी दोस्रो हो ।