भोजपुर । भोजपुरको आमचौक गाउँपालिका ३ हाँतातुङमा भएको ट्याक्टर दुर्घटनामा परी एक जनाको मृत्यु भएको छ । ५ जना घाईते भएका छन् ।

आईतवार बेलुका बोयाङबाट बालंखा तर्फ जाँदै गरेको प्रदेश १ ०२(००३ त ५८८ नम्बरको ट्याक्टर आफै आनियन्त्रीत भई सडकबाट अन्दाजी ३०० मिटर तल खसेको थियो ।

सो दुर्घटना हुँदा घाईते भएका आमचोक गाउँपालिका ३ का २८ बर्षीय दिपक कुवँरको स्थानीय बालंखा स्वास्थ्य चौकीमा उपचारको क्रममा मृत्यु भएको जिल्ला प्रहरी कार्यालय भोजपुरले जनाएको छ ।

सोही दुर्घटनामा परेर घाईते भएका अन्य दुई जनाको स्थानीय स्वास्थ्य चौकीमा उपचार भईरहेको तथा तीन जनालाई थप उपचारको लागी धरानको घोपा पठाईएको उक्त कार्यालयले जनाएको छ ।