ताप्लेजुङ । ताप्लेजुङमा कोरोना संक्रमणका कारण ज्यान गुमाउनेको संख्या थपिन थालेको छ । शनिबार विहान पनि थप एक जना संक्रमितको उपचारका क्रममा धरानमा मृत्यू भएको छ ।

मृत्यू हुनेमा ताप्लेजुङको मैवाखोला गाउँपालिका १ की २० वर्षीया मनकुमारी शेर्पा रहेको ताप्लेजुङका प्रमुख जिल्ला अधिकारी उमेश पाण्डेले जानकारी दिए ।

दुई दिन अघि कोरोना संक्रमण देखिएपछि उनलाई धरान लगिएको थियो ।

प्रमुख जिल्ला अधिकारी पाण्डेका अनुसार ताप्लेजुङमा संक्रमण भएर डिस्चार्ज हुने क्रम पनि सुरु भएको छ । पछिल्लो समय फैलिएको संक्रमणबाट संक्रमित बनेका ३ जना कोरोना जितेर डिस्चार्ज भएका छन् ।