ताप्लेजुङ । ताप्लेजुङको तापेथोकमा चिप्लिएर लड्दा एक मजदुरको मृत्यू भएको छ ।

फक्ताङ्लुङ गाउँपालिका ५ तापेथोकको रानीपुल क्षेत्रमा निर्माणाधिन बेलिब्रिज निर्माणमा खटिएका बारा जिल्लाको सिमरा बस्ने बर्ष २६ का श्यामसुन्दर चौधरीको लडेर मृत्यू भएको हो । उनलाई निर्माण सामानले किचेको प्रहरीले जनाएको छ ।

प्रहरीका अनुसार निर्माणको क्रममा खटिएका चौधरी अचानक चिप्लिएर लड्दा सोहि बेलिब्रिजकासामान समेत संगै झरेर किचेपछि उनको घटनास्थलमै मृत्यु जिल्ला प्रहरी कार्यालय ताप्लेजुङका प्रहरी प्रमुख (डिएसपी) बालनरसिंह राणाले बताए ।

घटनास्थलमा लेलेपमा प्रहरी चौकीबाट खटिएको सुरक्षाकर्मी पुगेको र जिल्ला प्रहरी कार्यालयबबाट पनि प्रहरी निरीक्षकको नेतृत्वमा प्रहरी टोली अनुसन्धानका लागि गइरहेको प्रमुख राणाले जानकारी दिए ।