विराटनगर । पाँचथरकी सात वर्षीय बालिका शिक्षा लिम्बूको स्वरमा ‘आगो पिएर बाँच्ने’बोलको गीत सार्वजनिक भएको छ ।

शुक्रबार शिक्षाको स्वरमा गीतको किड्स भर्जन सार्वजनिक भएको हो । शिक्षाको यो पहिलो गीत हो ।

रिमा स्टुडियोमा रेकर्ड गरिएको गीतमा संगीत संयोजन मनोज खड्काले गरेका छन् ।

श्याम श्वेत रसाइलीको मिक्सिङ रहेको गीतका मुल गायक लक्ष्मी सृजन बजगाई हुन् ।

शिक्षाले गाएको गीतलाई संगीतकार नारायण रायमाझीले सार्वजनिक गरेका हुन् ।

जीवन धमलाको शब्द, नारायण रायमाझीको संगीत रहेको यो गीतको किड्स भर्जन शुक्रबार सार्वजनिक भएको हो ।

गीत सार्वजनिक गर्दै संगीतकार रायमाझीले शिक्षालाई संसारको माया लिएर ठूलो कलाकार बन्नु भन्दै शुभकामना दिएका छन् ।