ताप्लेजुङ । ताप्लेजुङमा माओवादी केन्द्रबाट निर्वाचित भएका एक वडाध्यक्ष र माओवादि केन्द्रका जिल्ला कमिटी सचिवालय सदस्यसहित ५३ जना एमालेमा प्रवेश गरेका छन् ।

तराइका विभिन्न जिल्लामा माओवादी केन्द्रसहित अन्य पार्टी परित्याग गरी जनप्रतिनिधि नै एमालेमा प्रवेश गर्ने लहर चलिरहेको समयमा ताप्लेजुङ आठराई त्रिवेणी गाउँपालिका ५ का माओवादी केन्द्रबाट निर्वाचित वडाध्यक्ष कमरेड सन्तोष आङ्वुहाङ र माओवादि केन्द्रका जिल्ला कमिटी सचिवालय सदस्य सुर्य आङ्वुहाङ एमालेमा प्रवेश गरेका हुन् ।

यस्तै अनेरास्ववियु समाजवादी विद्यार्थी संगठन जिल्ला कमिटी सचिव तुलसी भट्टराई सहित ५३ जना नेकपा माओवादी केन्द्र र नेपाली कांग्रेस परित्याग गरि नेकपा (एमाले) मा प्रवेश गरेका छन् ।

एमालेमा प्रवेश गर्ने सबैलाई एक कार्यक्रमका बिच पाटीमा स्वागत गरिएको नेकपा एमाले ताप्लेजुङले जनाएको छ ।